Ammasco Radio90.7 FM · Gaskiya Tushen NasaraAMMASCO RADIO NEWSROOM
Shugabannin ƙasashen duniya sun ci gaba da aika saƙonnin fatan samun sauƙi cikin gaggawa ga Paparoma Leo, bayan an yi masa tiyatar da aka ce an cire wani ɓangare na huhunsa na dama a birnin Rome.
Jam’iyyar Peoples Redemption Party (PRP) ta zargi gwamnatin Shugaba Bola Ahmed Tinubu da gazawa wajen kare rayuka da dukiyoyin ’yan Najeriya, yayin da hare-hare, kashe-kashe da sace-sacen mutane ke ci gaba da zama babban ƙalubalen tsaro a sassan ƙasar.
Tsofaffin sojojin Najeriya sun toshe ƙofar shiga ofishin Hukumar Kula da Fanshon Sojoji da ke Abuja a ranar Talata, domin neman a sauya tsarin lissafa kuɗaɗen fanshonsu da kuma biyan buƙatunsu.
Amurka ta sanya Najeriya cikin jerin ƙasashen da ake zargi da ɗaukar yara ko amfani da su a ayyukan yaƙi, matakin da ka iya janyo takaita wasu nau'o'in tallafin soji da haɗin gwiwar tsaro tsakanin ƙasashen biyu.
Gwamnatin Jihar Kaduna ta ce tana aiki tare da jami’an tsaro domin tabbatar da kuɓutar da wani magidanci, matarsa da jaririyarsu da wasu ’yan bindiga suka yi garkuwa da su a unguwar Millennium City da ke Kaduna.
Lauyoyin Isa Ali Pantami sun bai wa INEC wa’adin kwanaki uku ta sanya sunansa cikin jerin ’yan takarar gwamnan Gombe na PDP a zaɓen 2027, ko kuma su garzaya kotu
An yi Allah-wadai a sassa daban-daban na duniya kan matakin Amurka na ƙara kakaba takunkumin kuɗi ga Kotun Hukunta Manyan Laifuka ta Duniya, ICC. Kotun ta ICC da kuma Sakatare-Janar na Majalisar Ɗinkin Duniya sun bayyana matakin hana mu’amalar kuɗi da kotun a matsayin wani hari kan tsarin tabbatar da adalci a matakin ƙasa da ƙasa. Kasashen Canada da Japan da wasu ƙasashen Turai sun sake jaddada goyon bayansu ga kotun, wadda ke da alhakin bincike da gurfanar da mutanen da ake zargi da aikata manyan laifuka, ciki har da laifukan yaƙi da laifukan cin zarafin bil’adama. A nasa ɓangaren, Sakataren
Jam’iyyar APC mai mulki a Najeriya ta sanar da cewa za ta ƙaddamar da gangamin yaƙin neman sake zaɓen Shugaban Ƙasa Bola Ahmed Tinubu a jihar Kaduna ranar 24 ga Oktoban 2026. A cikin wata sanarwa da Darakta Janar na kwamitin yaƙin neman zaɓen shugaban ƙasa na jam’iyyar, Sanata Abdul’aziz Yari Abubakar, ya fitar, APC ta ce taron na Kaduna zai zama farkon zagayen gangamin neman goyon baya a faɗin jihohi 36 na Najeriya da kuma Babban Birnin Tarayya, Abuja. Sanarwar ta bayyana cewa gwamnatin Tinubu ta ɗauki wasu matakai masu wahala na gyaran tattalin arziki, waɗanda a cewar jam’iyyar, gwamnatocin
An ji wata babbar ƙarar fashewa a filin jirgin saman ƙasa da ƙasa na Riyadh, babban birnin Saudiyya, a daidai lokacin da ake samun rahotannin ƙaruwa da hare-haren makamai masu linzami da ake dangantawa da ƙungiyar Houthi ta Yemen. Ya zuwa yanzu, hukumomin Saudiyya ba su tabbatar da cewa an kai hari a filin jirgin saman ba. Sai dai rahotannin farko sun nuna cewa an fara kwashe mutane daga filin jirgin. Kamfanonin jiragen sama na Etihad Airways da Qatar Airways sun soke wasu jirage da dama da za su tashi zuwa Riyadh, ciki har da wasu da aka tsara gudanarwa har zuwa ranar Litinin. Wannan na zuwa
Asusun Ba da Lamuni na Duniya (IMF) ya sanar da cimma matsaya da mahukuntan Nijar kan bayar da sabon rancen kuɗi har dala miliyan 203, domin taimaka wa ƙasar wajen farfaɗo da tattalin arziƙinta da aiwatar da gyare-gyare a wannan fanni cikin shekaru uku masu zuwa. Sanarwar IMF, wadda shugabar tawagar asusun da ta ziyarci Nijar, Julia Bersch, ta sanya wa hannu, ta ce an cimma yarjejeniyar ne yayin tattaunawar da wakilan asusun suka yi da mahukuntan ƙasar a birnin Yamai, babban birnin Nijar. A cewar sanarwar, yarjejeniyar ta shafi tsawon watanni 38, amma ana jiran amincewar hukumar gudanarwar IMF
Babbar Kotun Tarayya da ke Gombe ta soke zaɓen fidda gwani da ya samar da Bashir Abdullahi Gaddafi a matsayin ɗan takarar jam’iyyar ADC mai neman kujerar Akko a Majalisar Wakilan Tarayya a zaɓen 2027. Kotun, ƙarƙashin jagorancin Mai Shari’a Vera E. Ibrahim, ta umarci a gudanar da sabon zaɓen fidda gwani na jam’iyyar a mazabar cikin kwanaki 21. Haka kuma, kotun ta bayar da umarnin janye takardar shaidar nasarar zaɓen da aka bai wa Gaddafi nan take. Hukuncin ya biyo bayan ƙarar da Adamu Hassan Kashere ya shigar, inda ya ƙalubalanci yadda aka gudanar da zaɓen fidda gwani da ya samar da Gaddafi a
Ƙungiyar Tuntuɓa ta Arewacin Najeriya (ACF) ta buƙaci gwamnatin tarayya da ta rage mayar da hankali kan shirye-shiryen zaɓen 2027, tare da karkata hankalinta wajen magance matsalar rashin tsaro da ke addabar ƙasar. Ƙungiyar ta bayyana cewa ci gaba da kai hare-hare, kashe-kashe, garkuwa da mutane da lalata hanyoyin samun abin dogaro da kai da ƙungiyoyin masu ɗauke da makamai ke yi, na barazana ga zaman lafiya da kwanciyar hankalin Najeriya. A cikin wata sanarwa da sakataren yaɗa labaran ƙungiyar, Farfesa Tukur Muhammad Baba, ya fitar, ACF ta nuna damuwarta kan abin da ta bayyana a matsayin rash
Dakarun Sojin Najeriya da ke aikin yaƙi da ’yan bindiga a ƙarƙashin rundunar Operation Fansan Yamma sun sanar da lalata wasu bama-bamai guda uku da aka dasa a Jihar Zamfara. Kakakin rundunar, Laftanar Kanal Aliyu Danja, ya bayyana hakan ne a cikin wata sanarwa da ya fitar ga manema labarai a ranar Juma’a. Ya ce haɗin gwiwar jami’an tsaro ya yi nasarar gano tare da kwance bama-baman da aka dasa a babbar hanyar Magami zuwa Dansadau da ke jihar. A cewarsa, an gudanar da aikin ne tare da taimakon sashen kwance bama-bamai na rundunar ’yan sandan Najeriya, kuma an kammala aikin ba tare da an samu as
A watan Disambar 2024 ne Manchester City ƙarƙashin jagorancin Pep Guardiola ta sha kashi da ci 2-0 a hannun Liverpool a filin Anfield, inda magoya bayan Liverpool suka riƙa yi wa kocin waƙar cewa: “Za a kore ka da safe.” A wancan lokacin, da wuya a yi tunanin cewa za a kori Guardiola, duk da cewa Manchester City na shirin yin rashin nasara a wasanta na huɗu a jere a gasar Premier League, lamarin da ba kasafai yake faruwa ba a ƙarƙashin jagorancinsa. A martaninsa ga magoya bayan Liverpool, Guardiola ya ɗaga yatsunsa shida, domin tunasar da su kofunan Premier League shida da ya lashe tare da Man
Rundunar Sojin Saman Najeriya ta ce ta fara ƙoƙarin gano na’urorin da ke ɗauke da bayanan muryoyin matuƙan jirgi da kuma bayanan jirgin da ya yi hatsari a yankin Igbokoda, da ke Ƙaramar Hukumar Ilaje a Jihar Ondo. Babban jami’in kula da ƙa’idoji da tantancewa na rundunar, Air Vice Marshal Ebimobo Ebiowe, ne ya bayyana hakan ga manema labarai a wurin da hatsarin ya faru a ranar Juma’a. Jirgin mai saukar ungulu, wanda ke gudanar da aikin yau da kullum daga Benin, babban birnin Jihar Edo, zuwa Legas, ya faɗo cikin wata fadama kusa da sansanin Rundunar Sojin Ruwa ta Najeriya da ke Igbokoda a ranar
Jam’iyyar hamayya ta ADC a Najeriya ta ƙaddamar da kwamitin yaƙin neman zaɓen shugaban ƙasa, a wani mataki na shirye-shiryen tunkarar babban zaɓen ƙasar na shekarar 2027. Yayin ƙaddamar da kwamitin a Abuja, ɗan takarar shugaban ƙasa na jam’iyyar, Atiku Abubakar, ya bayyana waɗanda aka naɗa a matsayin masu kishin ƙasa da kuma gogaggun mutane a harkokin siyasa da tafiyar dimokuraɗiyyar Najeriya. Sanata Augustine Okwudiri Akobundu ne zai jagoranci kwamitin, tare da taimakon wasu manyan jiga-jigan jam’iyyar, ciki har da tsohon gwamnan Jihar Kaduna, Nasir El-Rufai. El-Rufai dai na fuskantar bincike
Hukumar Tabbatar da Ingancin Ilimi da Shirya Jarabawa ta Jihar Binuwai a Najeriya ta rufe makarantun Orenda Schools da Opal Schools bisa zargin cin zarafin ɗalibai da kuma karya manufofin gwamnati kan saye da amfani da litattafan karatu. Matakin ya biyo bayan wani rahoto da ke zargin cewa mamallakin makarantun ya kai hari ga jami’an hukumar yayin da suke gudanar da aikinsu. Sakataren zartarwa na hukumar, Dakta Terna Francis, ne ya bayyana hakan ga manema labarai a ranar Juma’a, inda ya yi ƙarin bayani kan dalilan rufe makarantun. Dakta Francis ya zargi mamallakiyar makarantun, Onyinye Okoye, d
Ƙungiyar ƙwadago ta TUC reshen Babban Birnin Tarayya Abuja, ta umarci mambobinta da su ci gaba da zuwa wuraren aikinsu, tana mai bayyana cewa ba ta goyi bayan yajin aikin sai baba-ta-gani da babbar ƙungiyar ƙwadago ta NLC ta ayyana ba. TUC ta bayyana cewa ba ta halarci taron da aka yanke shawarar fara yajin aikin ba, don haka ba ta amince da matakin da aka ɗauka ba. Saboda haka, ƙungiyar ta buƙaci dukkan mambobinta da ƙungiyoyin da ke ƙarƙashinta da su ci gaba da gudanar da ayyukansu na yau da kullum. Haka kuma, TUC ta gargaɗi mambobinta da kada su bari a tilasta musu shiga yajin aikin, tana m
Hukumar Kula da Yaɗuwar Cututtuka ta Najeriya (NCDC) ta ce mutum 263 sun mutu sakamakon zazzabin Lassa, yayin da aka tabbatar da mutum 1,115 sun kamu da cutar tsakanin watan Janairu zuwa ranar 20 ga Satumba, 2026. Hukumar ta bayyana cewa adadin mace-macen ya kai kashi 23.6 cikin 100, wanda ya haura na makamancin lokacin a shekarar 2025, lokacin da ya kai kashi 18.5 cikin 100. Jihohin Ondo, Bauchi, Taraba, Edo da Benue ne suka fi yawan mutanen da aka tabbatar sun kamu da cutar, inda suka haɗa kusan kashi 87 cikin 100 na dukkan waɗanda aka tabbatar sun kamu a ƙasar. NCDC ta danganta yawaitar mac
Sakataren Baitulmalin Amurka, Scott Bessent, ya ce akwai yiwuwar gwamnatin ƙasar ta ƙwace kadarorin kuɗaɗen intanet na cryptocurrency da darajarsu ta kai kusan dala biliyan ɗaya, waɗanda ake dangantawa da Iran, kafin ƙarshen wannan makon. Bessent ya bayyana hakan ne yayin wata hira da tashar talabijin ta Newsmax, inda ya ƙara da cewa jami’an gwamnatin Amurka sun san inda waɗannan kadarori suke, ba tare da ya yi ƙarin bayani kan yadda za a gudanar da ƙwace su ba. A cikin ’yan shekarun nan, kasuwar kuɗaɗen intanet ta samu bunƙasa sosai, inda wasu mutane da ƙungiyoyi ke amfani da dandamalin musay
