Ammasco Radio90.7 FM · Gaskiya Tushen NasaraAMMASCO RADIO NEWSROOM
Ƙungiyar Tarayyar Turai (EU) ta yi kakkausar suka kan harin da wasu Yahudawa ’yan kama wuri zauna suka kai wa jami’an diflomasiyyar Turai da wani magajin gari na Faransa a Yammacin Kogin Jordan da Isra’ila ta mamaye.
Shugaban Najeriya, Bola Ahmed Tinubu, ya amince da sayen ƙarin taragon jiragen ƙasa da na’urorin tsaro na zamani domin inganta sufurin jiragen ƙasa da yaƙi da laifuka, ciki har da fashi da makami, garkuwa da mutane da lalata layin dogo.
Hukumar agaji ta ƙasa da ƙasa, ICRC, ta ce matsalar ƙarancin abinci mai gina jiki ta ƙaru a wasu yankunan arewa maso gabashin Najeriya, inda adadin mutanen da ke fama da ita ya tashi daga kusan 17,000 zuwa 20,000, bisa bayanan da aka tattara daga cibiyoyin lafiya.
Gwamnatin Tarayya ta yi kira da a faɗaɗa gwajin gano kansar mahaifa, allurar rigakafin HPV da kuma gano cutar tun da wuri, bayan rahotanni sun nuna cewa ta kashe mutane 7,093 a Nijeriya a shekarar 2022.
Shugaba Bola Tinubu zai halarci gangamin yaƙin neman zaɓen sake zaɓensa a jihohi 12 na Nijeriya gabanin zaɓen 2027, yayin da shugabannin jam’iyyar APC za su wakilce shi a sauran jihohin ƙasar.
Mahukuntan Saudiyya sun zartar da hukuncin kisa kan wasu ’yan ƙasar biyar da suka ce an same su da laifukan da suka shafi ta’addanci.
Najeriya ta ci gaba da gudanar da shari’o’in masu zargin aikata laifukan ta’addanci, inda a ranar 16 ga Oktoba aka yanke wa mutum 21 hukuncin ɗauri kan laifuka daban-daban da suka shafi ta’addanci, ciki har da wani ɗan ƙasar China, kamar yadda jaridar The Sun ta ruwaito.
Farashin ɗanyen mai a kasuwannin duniya ya kusanci dala 110 kan kowace ganga, a karon farko tun daga watan Mayun 2026, sakamakon fargabar ƙarin tsanantar rikici a yankin Gabas ta Tsakiya.
Uwargidan Shugaban Ƙasar Najeriya, Sanata Oluremi Tinubu, ta yi kira da a ƙara zuba jari wajen tallafa wa matan da ke zaune a karkara, domin bunƙasa noma, inganta samar da abinci da kuma ƙarfafa tattalin arziki.
Mahukuntan Kwalejin Nazarin Addinin Musulunci da Koyon Shari’a ta Aminu Kano (AKCILS) sun musanta jita-jitar da ke yaɗuwa a kafafen sada zumunta cewa makarantar na hana ɗalibai mata masu sanya niƙabi shiga harabar kwalejin.
Hukumar Yaƙi da Sha da Fataucin Miyagun Ƙwayoyi ta Najeriya (NDLEA) ta kama mutane 1,860 tare da ƙwace kilogiram 5,409.814 na miyagun ƙwayoyi a Jihar Kano tsakanin Janairu da Satumba 2026.
Gwamnatin Jihar Yobe ta raba babura 160 da wasu kayayyakin aiki ga jami’an tsaron dazuka 886 da aka tura domin ƙarfafa ayyukan tsaro a faɗin jihar.
Dakarun Juyin Juya Halin Musulunci na Iran (IRGC) sun bayyana cewa ƙasar ta samu sabbin manyan makamai bayan yaƙin da ta yi da Amurka da Isra’ila, tare da gargaɗin cewa za ta mayar da martani mai tsanani idan aka sake kai mata hari.
Asusun Ba da Lamuni na Duniya (IMF) ya shawarci Najeriya da kada ta dawo da tsarin tallafin man fetur, inda ya buƙaci gwamnati ta mayar da hankali wajen tallafa wa masu ƙaramin ƙarfi domin rage tasirin hauhawar farashin makamashi.
Akalla mutane biyu sun mutu, yayin da wasu 21 suka jikkata sakamakon hare-haren sama da Rasha ta kai kan birnin Kyiv, babban birnin Ukraine, inda aka samu katsewar wutar lantarki a sassa daban-daban na birnin.
Shugabannin ƙasashen duniya sun ci gaba da aika saƙonnin fatan samun sauƙi cikin gaggawa ga Paparoma Leo, bayan an yi masa tiyatar da aka ce an cire wani ɓangare na huhunsa na dama a birnin Rome.
Tsofaffin sojojin Najeriya sun toshe ƙofar shiga ofishin Hukumar Kula da Fanshon Sojoji da ke Abuja a ranar Talata, domin neman a sauya tsarin lissafa kuɗaɗen fanshonsu da kuma biyan buƙatunsu.
Amurka ta sanya Najeriya cikin jerin ƙasashen da ake zargi da ɗaukar yara ko amfani da su a ayyukan yaƙi, matakin da ka iya janyo takaita wasu nau'o'in tallafin soji da haɗin gwiwar tsaro tsakanin ƙasashen biyu.
Ma’aikatar Shari’a ta Jihar Kano ta sallami wani lauya na gwamnati, Mustapha Nura Muhammad, bayan an same shi da laifin bayar da bayanan ƙarya tare da amfani da sunaye da sa hannun manyan lauyoyin ma’aikatar ba tare da izini ba. Wata sanarwa daga Mataimakin Kwamishinan Shari’a kan Yada Labarai, Dr. Abubakar Tijjani Ibrahim, ta bayyana cewa Hukumar Kula da Ma’aikatan Gwamnatin Kano ta amince da hukuncin ne bayan nazarin rahoton kwamitin ladabtarwa a zamanta na 1 ga Afrilu, 2026. Bincike ya nuna cewa lauyan ya fitar da shawarwarin shari’a ta hanyar amfani da sa hannun manyan jami’ai, lamarin da
Ukraine da Russia sun amince su yi musayar fursunonin yaƙi guda dubu ɗaya daga kowanne ɓangare, a wani ɓangare na yarjejeniyar da ta kuma ƙunshi tsagaita buɗe wuta na kwanaki uku tsakanin ƙasashen biyu. Russia ce ta buƙaci tsagaita wutar na wucin gadi domin bikin tunawa da cika shekaru da kawo ƙarshen World War II. Shugaban Ukraine, Volodymyr Zelensky ya ce ya umarci dakarun ƙasarsa da kada su kai hari a Red Square inda za a gudanar da bikin. Shi ma shugaban United States, Donald Trump ya ce an cimma yarjejeniyar ne bisa buƙatarsa, yayin tattaunawar da ake yi domin kawo ƙarshen rikicin.
