AMMASCO RADIO NEWSROOM

top stories

top stories4 Agu, 2026

'Yan Sanda Sun Kama Mutane 48 a Samame a Zamfara

Rundunar 'Yan Sandan Jihar Zamfara, ta kama mutane 48 da ake zargi da aikata laifuffuka a wani samame da aka kai maboyar masu laifi a cikin birnin Gusau. A cikin wata sanarwa, Kakakin Rundunar 'Yan Sandan Jihar, DSP Yazid Abubakar, ya bayyana cewa aikin, wanda aka gudanar bisa bayanan sirri, ya kuma yi sanadin ƙwato babura 17, kekuna uku, janareta guda ɗaya, lasifikoki uku da ganguna uku, waɗanda ake zargin masu aikata laifuka ne suka yi watsi da su. Ya ƙara da cewa ana ci gaba da gudanar da bincike kan waɗanda aka kama, kuma duk wanda aka samu da hannu a aikata laifi za a gurfanar da shi a ga

azubairu (legacy byline)

top stories4 Agu, 2026

Najeriya da Isra'ila Sun Jaddada Haɗin Gwiwa a Tsaro, Noma da Fasaha

Gwamnatin Najeriya da ta Isra'ila sun sake jaddada aniyarsu ta ƙara ƙarfafa alaƙar ƙasashen biyu a fannonin tsaro, tsaron ƙasa, noma, fasaha, lafiya da kasuwanci. An bayyana hakan ne yayin ziyarar ban girma ta bankwana da jakadan Isra'ila mai barin gado a Najeriya, Michael Freeman, ya kai wa Ministan Harkokin Wajen Najeriya, Bianca Odumegwu-Ojukwu, a Abuja. A cikin wata sanarwa da mai taimaka wa ministar kan harkokin yaɗa labarai, Magnus Eze, ya fitar, Bianca Odumegwu-Ojukwu ta yaba wa jakadan bisa nasarar da ya samu a lokacin aikinsa, tana mai cewa ya shimfiɗa ingantacciyar hanya ga wanda zai

azubairu (legacy byline)

top stories4 Agu, 2026

Najeriya Ta Tura Sojoji 86 Zuwa Guinea-Bissau Domin Aikin Wanzar da Zaman Lafiya na ECOWAS

Rundunar Sojin Najeriya ta tura jami'ai 86 zuwa ƙasar Guinea-Bissau domin shiga aikin wanzar da zaman lafiya na Ƙungiyar Raya Tattalin Arzikin Ƙasashen Afirka ta Yamma (ECOWAS). A cewar rundunar, matakin na nuna ci gaba da jajircewar Najeriya wajen tallafa wa zaman lafiya, tsaro da kwanciyar hankali a yankin Afirka ta Yamma. A cikin wata sanarwa da rundunar ta wallafa a shafukanta na sada zumunta, ta bayyana cewa jami'an sun tashi daga Filin Jirgin Sama na Nnamdi Azikiwe da ke Abuja, kuma sun isa Guinea-Bissau lafiya domin fara aikinsu ƙarƙashin umarnin ECOWAS. Rundunar ta kuma jaddada cewa Na

azubairu (legacy byline)

top stories4 Agu, 2026

Majalisar Dokokin Kano Ta Amince da Ƙudirin Takaita Ƙarin Kuɗin Makarantun Masu Zaman Kansu

Majalisar Dokokin Jihar Kano ta amince da wani ƙudiri da zai hana makarantu masu zaman kansu ƙara kuɗin makaranta ba tare da samun izini da sahalewar hukuma ba, domin kare iyaye da masu kula da yara daga ƙarin kuɗaɗe ba tare da ƙa'ida ba. Ƙudirin gyaran Dokar Hukumar Kula da Makarantu Masu Zaman Kansu da na Sa-kai ta shekarar 2026 ya tanadi cewa duk wata makaranta da ke son ƙara kuɗin makaranta dole ne ta fara neman amincewar hukumar da abin ya shafa kafin aiwatar da hakan. Rahotanni sun nuna cewa duk wani ƙarin kuɗin makaranta da ya wuce kashi 10 cikin 100 zai buƙaci ƙarin nazari da sahalewa

azubairu (legacy byline)

top stories4 Agu, 2026

Gwamnan Kano Injiniya Abba Kabir Yusuf, ya gargadi mutane kan tsallaka danja kafin ba da hannu

Gwamnan Jihar Kano, Engr. Abba Kabir Yusuf, ya gargadi al'umma kan tsallaka danja kafin ba da hannu, tare da jaddada muhimmancin bin dokokin zirga-zirga. Daraktan Yaɗa Labaran Gwamnan Kano, Sunusi Bature Dawakin Tofa, ne ya bayyana haka ta cikin wata sanarwa da ya fitar a yau talata. Sanarwar ta bayyana cewa gwamnan ya yi wannan gargaɗi ne yayin da ya shafe sama da awa ɗaya a mahadar Kofar Fanfo yana sa ido kan yadda masu ababen hawa kan bin danja. Sanarwar ta ƙara da cewa gwamnan ya buƙaci direbobi, masu Adaidaita Sahu da masu tafiya a ƙafa su bi dokokin zirga-zirga domin kare rayuka da dukiy

Adamu Abdullahi

top stories4 Agu, 2026

Gwamnatin Jihar Kano ta yi kira ga yan kasuwa su saka hannun jari a fannin tsaftar muhalli domin inganta lafiyar da tattalin arzikin jihar

Gwamnatin Jihar Kano ta nemi ƴan kasuwa da masu zuba jari su saka hannun jari a fannin tsaftar muhalli domin inganta lafiyar al'umma, samar da ayyukan yi da bunƙasa tattalin arzikin jihar. Wannan na cikin sanarwar da Kwamishinan Muhalli da Sauyin Yanayi naJihar, Dr. Dahiru Muhammad Hashim, ya fitar. Sanarwar ta ce Kwamishinan ya bayyana hakan ne yayin ƙaddamar da wani shirin haɗin gwiwa kan tsaftar muhalli da aka gudanar a otal din Porto Golf da ke Kano. Ya ce gwamnatin jihar na kallon tsaftar muhalli a matsayin wata dama ta bunƙasa tattalin arziki, inda ya bayyana cewa akwai damar zuba jari a

Adamu Abdullahi

Spotlight Education and Youth Development Initiative (SEYDI) ta shirya a North West University, Kano.

Taron ya gudana ne a ƙarƙashin jagorancin shirin Drug Abuse Awareness Campus Tour (DAACT), wanda ke yaƙi da wayar da kai kan illar shaye-shaye a jami'o'in ƙasar nan. An gudanar da shi a ɗakin taro na Hafizu Abubakar da ke jami'ar North West University, Kano. Da yake jawabi, shugaban SEYDI na shiyyar Arewa, Dr. Aliyu Bello Jikantoro, ya bayyana cewa an zaɓi jami'ar North West University ne saboda rahotanni da ke nuna cewa Jihar Kano na daga cikin jihohin da ke da yawan matasan da ke ta'ammali da miyagun ƙwayoyi a Najeriya. Masu ruwa da tsaki da dama kan yaƙi da sha da fataucin miyagun ƙwayoyi s

Adamu Abdullahi

Iran Ta Kashe Mutane Biyu Da Aka Samu Da Laifin Yi Wa Isra'ila Leƙen Asiri

Hukumar shari'ar Iran ta sanar da aiwatar da hukuncin kisa kan Omid Behzad da Pouria Safvat a safiyar Litinin, bayan kotu ta same su da laifin yi wa Isra'ila leƙen asiri. A cewar kamfanin yaɗa labarai na ma'aikatar shari'ar Iran, Mizan , mutanen biyu sun kasance suna tattarawa tare da aika wa hukumar leƙen asirin Isra'ila, Mossad , bayanai, hotuna da kuma bayanan wuraren da cibiyoyin soji da na tsaron Iran suke. Mahukuntan Iran sun ce bayanan da aka tattara sun taimaka wajen gudanar da ayyukan leƙen asiri da suka shafi tsaron ƙasar. Sai dai ƙungiyoyin kare haƙƙin bil'adama da wasu lauyoyi sun

azubairu (legacy byline)

Soja Da Ɗan Sanda Sun Mutu Yayin Daƙile Harin 'Yan Bindiga A Zamfara

Rundunar Operation FANSAN YAMMA ta ce wani jami'in soja da ɗan sanda sun rasa rayukansu yayin da suke daƙile wani hari da 'yan bindiga suka kai sansanin sojoji da ke Kasuwan Daji, a Ƙaramar Hukumar Kaura Namoda ta Jihar Zamfara. A cewar rundunar, maharan sun yi ƙoƙarin kutsawa cikin sansanin da misalin ƙarfe 1:40 na safiyar ranar 2 ga Agusta, amma dakarun da ke wurin sun gano yunƙurin tun da wuri tare da mayar da martani, lamarin da ya tilasta wa maharan tserewa. Bayan artabun, ƙarin dakaru sun bi sahun maharan, inda suka samu nasarar kuɓutar da mutum tara daga cikin mutanen da aka yi garkuwa

azubairu (legacy byline)

Mutum Biyar Sun Mutu, 41 Sun ɓace Bayan Jirgin Ruwa Ya Kama Da Wuta A Indonesia

Aƙalla mutum biyar ne suka rasa rayukansu, yayin da wasu 41 suka ɓace bayan wani jirgin ruwa ɗauke da sama da fasinjoji 250 ya kama da wuta a tekun Indonesia. Hukumar Ceto ta Ƙasa ta Indonesia ta bayyana cewa jirgin, mai suna KMP Mutiara Sentosa 2 , ya kama da wuta ne yayin da yake tafiya daga birnin Surabaya na lardin Gabashin Java zuwa Makassar a lardin Sulawesi ta Kudu. Rahotanni sun nuna cewa fasinjoji da dama sun sanya rigunan ceton rai, yayin da wasu suka yi tsalle cikin teku domin gujewa gobarar da ta bazu a mafi yawan sassan jirgin. Jami'an ceto na ci gaba da aikin neman waɗanda suka ɓ

azubairu (legacy byline)

Sojoji Sun Ce Wasu Mayaƙa A Kudu Maso Gabas Sun Fara Miƙa Makamai

Rundunar Sojin Najeriya ta ce wasu mayaƙa a yankin Kudu maso Gabas sun fara ajiye makamansu da kansu sakamakon matsin lambar da dakarun soji ke ci gaba da yi musu. Rundunar ta bayyana cewa hakan ya biyo bayan jerin samame da hare-haren da aka kai maboyar mayaƙan, musamman bayan kama wasu da ake zargi da hannu a kisan wani jami’in soja. A cewar sojojin, ɗaya daga cikin waɗanda aka kama ya jagoranci jami’an tsaro zuwa wani wurin da aka ɓoye makaman ƙungiyar a yankin Egbema da kewaye, inda aka gano tare da ƙwato bindigogi, harsasai da sauran kayan yaƙi. Rundunar ta ce wannan ci gaban na nuna cewa

azubairu (legacy byline)

top stories1 Agu, 2026

Matar Babban Jami'in Kuɗaɗen ISWAP Da Ɗanta Sun Miƙa Wuya Ga Sojoji

Rundunar Sojin Najeriya ta bayyana cewa matar wani babban jami'in kula da harkokin kuɗaɗen ƙungiyar ISWAP , tare da ɗanta mai shekara 11, sun miƙa wuya ga dakarun Operation Hadin Kai a ƙauyen Kusuma da ke Jihar Borno. A cikin wata sanarwa, rundunar ta ce binciken farko ya nuna cewa mijin matar, wanda ake bayyana a matsayin babban kwamandan ISWAP, ya miƙa wuya ga sojoji a ranar 25 ga Yuli , kuma shi ne ya umarce ta da ta fito daga maɓoyarsu tare da ɗansu domin su miƙa wuya. Haka kuma, rundunar ta ce dakarunta sun kai wani samame na daban a yankin Turoh bayan samun sahihan bayanan sirri kan mots

azubairu (legacy byline)

top stories1 Agu, 2026

Obasanjo: Zaɓen Atiku a Matsayin Mataimakina Shi Ne Babban Kuskuren Da Na Taɓa Yi A Siyasa

Legas – Tsohon Shugaban Ƙasa, Olusegun Obasanjo , ya bayyana cewa babban kuskuren da ya taɓa aikatawa a rayuwarsa ta siyasa shi ne zaɓen Atiku Abubakar a matsayin mataimakin shugaban ƙasa a shekarar 1999. Obasanjo ya bayyana hakan ne a ranar Juma'a yayin ƙaddamar da Charly Boy Foundation da kuma littafin tarihin rayuwar Charles Oputa (Charly Boy), 999: A Memoir in Tribute to Late Justice Chukwudifu Oputa , da aka gudanar a Legas. Da yake amsa tambaya kan muhimman shawarwarin da ya yanke a lokacin mulkinsa, tsohon shugaban ƙasar ya ce da ace ya san Atiku kamar yadda ya san shi daga baya, da bai

azubairu (legacy byline)

top stories1 Agu, 2026

Sojojin Najeriya Sun Kama Mutum Shida Kan Zargin Taimaka Wa ISWAP a Borno

Rundunar Sojojin Najeriya ta ce dakarunta na Operation Hadin Kai sun kama mutum shida da ake zargi da taimaka wa mayaƙan ƙungiyar ISWAP wajen gudanar da ayyukansu a Damasak , Jihar Borno. A cikin wata sanarwa, rundunar ta ce an kama waɗanda ake zargin ne a ranar 27 ga Yulin 2026 , bayan samun sahihan bayanan sirri da suka nuna cewa suna taimaka wa ƙungiyar ta hanyar samar mata da kuɗaɗe ta hanyar saye da sayar da shanu a kasuwannin Gubio , Damasak da Ajuwango . Rundunar ta bayyana cewa yayin samamen, dakarun sun ƙwace makamai , mota , da kuma kuɗi har Naira 317,950 daga hannun waɗanda ake zarg

azubairu (legacy byline)

top stories1 Agu, 2026

Gwamnatin Tarayya Ta Ce Ba Ta Da Shirin Ƙara Kuɗin Wutar Lantarki

Gwamnatin Tarayya ta bayyana cewa ba ta da wani shiri na ƙara kuɗin wutar lantarki a halin yanzu , tana mai jaddada cewa abin da ta fi bai wa muhimmanci shi ne inganta samar da wutar lantarki da kuma bunƙasa ayyukan ɓangaren. A cikin wata sanarwa da Mai Bai wa Shugaban Ƙasa Shawara na Musamman kan Harkokin Yaɗa Labarai, Bayo Onanuga , ya fitar, ya ambato Ministan Lantarki, Joseph Tegbe , yana cewa gwamnatin na mayar da hankali ne kan ƙara yawan wutar lantarki, samar da mitoci ga masu amfani da wuta, da kuma tabbatar da cewa ana biyan kuɗin wutar da aka yi amfani da ita. Kalaman ministan sun zo

azubairu (legacy byline)

top stories1 Agu, 2026

Gwamnatin Kano Ta Miƙa Takardun Mallakar Filaye Ga Masu Bai Wa Gwamna Shawara da Masu Ɗauko Rahoto

Gwamnatin Jihar Kano ta miƙa takardun mallakar filaye (Certificate of Occupancy – C of O) ga masu bai wa gwamna shawara da kuma masu ɗauko rahoto daga ma'aikatu, a wani biki da aka gudanar a Coronation Hall da ke Gidan Gwamnatin Kano. Bikin ya samu halartar manyan jami'an gwamnati da kuma waɗanda suka amfana da shirin. Da yake jawabi a wajen taron, Kwamishinan Ƙasa da Tsare-tsare na Jihar Kano, Abduljabbar Muhammad Umar , ya ce gwamnatin jihar ta aiwatar da shirin ne domin cika alƙawarin da Gwamna Abba Kabir Yusuf ya ɗauka ga mukarraban gwamnatinsa. Ya bayyana cewa an gudanar da aikin tantance

azubairu (legacy byline)

top stories1 Agu, 2026

Oluremi Tinubu Ta Nemi Tallafin Saudiyya Don Faɗaɗa Ilimin Almajirai

Matar Shugaban Ƙasa, Sanata Oluremi Tinubu , ta yi kira ga Masarautar Saudiyya da ta tallafa wa Najeriya wajen faɗaɗa damar samun ilimin zamani ga almajirai da yaran da ba sa zuwa makaranta, tana mai cewa hakan zai taimaka wajen rage matsalolin rashin tsaro da inganta makomar ƙasar. Oluremi Tinubu ta bayyana hakan ne yayin da ta karɓi baƙuncin Jakadan Saudiyya a Najeriya, Yousef Mohammed Al-Balawi , a Fadar Shugaban Ƙasa da ke Abuja. Ta ce akwai buƙatar ƙara ƙarfafa haɗin gwiwa tsakanin Najeriya da Saudiyya domin inganta tsarin ilimin almajirai ta hanyar haɗa karatun addinin Musulunci da ilimi

azubairu (legacy byline)

top stories1 Agu, 2026

Tsagin Kabiru Turaki na PDP Ya Miƙa Sunan Jonathan Ga INEC a Matsayin Ɗan Takarar Shugaban Ƙasa na 2027

Tsagin jam'iyyar PDP ƙarƙashin jagorancin Kabiru Turaki ya sanar da cewa ya miƙa sunan tsohon shugaban ƙasa, Goodluck Jonathan , ga Hukumar Zaɓe Mai Zaman Kanta ta Ƙasa (INEC) a matsayin ɗan takararsa na shugaban ƙasa a zaɓen shekarar 2027 . Kakakin kwamitin riƙon ƙwaryar tsagin, Ini Ememobong , ne ya bayyana hakan yayin wani taron manema labarai da aka gudanar a Abuja. A cewarsa, rikicin shugabanci da ya dabaibaye jam'iyyar PDP bayan hukuncin Kotun Ƙoli ne ya sa aka kafa kwamitin riƙon ƙwarya domin tafiyar da harkokin jam'iyyar da kuma gudanar da muhimman ayyukanta. Tsagin ya jaddada cewa shi

azubairu (legacy byline)

Mun Ƙi Musanya Fursunoni Da Masu Garkuwa Da Ɗaliban Oyo

Shugaban Ƙasa Bola Ahmed Tinubu ya bayyana cewa gwamnatin tarayya ta ƙi amincewa da buƙatun masu garkuwa da mutanen da suka sace ɗalibai da malamai a hare-haren da aka kai makarantu uku a jihar Oyo a ranar 15 ga Mayu . A cewarsa, maimakon yin sulhu da masu garkuwa ko biyan kuɗin fansa, gwamnati ta mayar da hankali ne kan aikin ceto ta hanyar amfani da bayanan sirri da haɗin gwiwar jami’an tsaro . Tinubu ya bayyana hakan ne a karon farko tun bayan da aka ceto ɗalibai da malamai 39 a ranar 10 ga Yuli , yayin da yake ganawa da tawagar sarakunan gargajiya daga jihar Oyo a Abuja. Shugaban ƙasar ya

azubairu (legacy byline)

Biyan Bashi Ne Ke Laƙume Kuɗaɗen Da Aka Tara Bayan Janye Tallafi – Ministan Kuɗi

Ministan Kuɗin Najeriya, Taiwo Oyedele , ya bayyana cewa mafi yawan kuɗaɗen da gwamnati ta samu bayan cire tallafin man fetur da gyaran tsarin canjin kuɗaɗen waje suna tafiya ne wajen biyan bashin gwamnati da kuma gudanar da ayyukan gwamnati da suka ƙaru. Ya bayyana hakan ne yayin da ake ci gaba da muhawara kan tasirin sauye-sauyen tattalin arzikin da gwamnatin Shugaba Bola Ahmed Tinubu ta fara aiwatarwa tun a shekarar 2023, waɗanda suka haifar da hauhawar farashin kayayyaki da tsadar rayuwa ga al'umma. Da yake jawabi a taron African Emerging Markets Forum da aka gudanar a Abuja, Oyedele ya ce

azubairu (legacy byline)