Ammasco Radio 90.7 FMAmmasco Radio90.7 FM · Gaskiya Tushen Nasara
KANO, NIJERIYAEnglish

AMMASCO RADIO NEWSROOM

Duniya

world

Sojojin Burkina Faso a ranar Laraba sun ce sun daƙile hare-haren da ƙungiyoyin ‘yanta’adda tare da kashe fiye da mahara 400

Sojojin Burkina Faso a ranar Laraba sun ce sun daƙile hare-haren da ƙungiyoyin ‘yanta’adda suka kai wasu sansanonin soji a ranar 30 ga Yuni, inda aka kashe fiye da mahara 400. Sojojin sun daƙile harin ne bayan samun taimako daga jiragen sama. A cikin wata sanarwa da Hedkwatar Sojin Burkina Faso ta fitar ranar Laraba da daddare, ta ce ‘yanta’addan sun kai hare-hare kan sansanonin soji da kuma jami’an sa-kai don kare ƙasa a ƙauyukan Gayeri da ke yankin Sirba, da Solhan da Sebba a yankin Liptako. A cewar rundunar, sojojin ƙasa, tare da goyon bayan jiragen sama, sun mayar da martani nan-take ga ha

Adamu Abdullahi

world

Magoya Bayan Norway Sun Yi Murnar Kaiwa Zagayen 'Yan 16 na Kofin Duniya

Dubban magoya bayan tawagar Norway sun fito kan titunan birnin Oslo domin murnar nasarar da ƙasarsu ta samu ta kai wa zagayen 'yan 16 na Gasar Cin Kofin Duniya. Rahotanni sun ce dimbin jama'ar da suka halarci bikin ya haifar da cunkoso da kuma lalacewar wasu kayayyakin more rayuwa a wasu sassan birnin. Norway ta samu gurbin ne bayan nasarar da ta yi a wasanta na baya, lamarin da ya jawo farin ciki da murnar magoya baya a faɗin ƙasar. Hukumomin birnin sun ce suna tantance irin barnar da aka samu, tare da kira ga jama'a da su gudanar da bukukuwa cikin lumana da kiyaye dukiyoyin jama'a.

azubairu (legacy byline)

world

Chelsea Ta Kammala Ɗaukar Marco Palestra Daga Atalanta

Chelsea ta tabbatar da ɗaukar Marco Palestra daga Atalanta BC kan yarjejeniyar da rahotanni suka ce ta kai kusan fam miliyan 47, ciki har da wasu ƙarin sharuɗɗa. Ɗan wasan mai shekara 21 ya sanya hannu kan kwantiragin shekara shida, tare da zaɓin ƙarin shekara guda. Shi ne kuma ɗaya daga cikin sababbin 'yan wasan da ƙungiyar ta ɗauka tun bayan naɗin Xabi Alonso a matsayin sabon koci. Rahotanni sun ce Chelsea ta yi nasarar doke Inter Milan wajen ɗaukar Palestra, bayan ta gabatar da tayin da ya fi na ƙungiyar ta Italiya. Ana kuma sa ran Chelsea za ta ci gaba da neman ƙarin 'yan baya domin ƙarfaf

azubairu (legacy byline)

world

Afirka ta Kudu: An Kama Kimanin Mutum 900 Bayan Zanga-zanga

Jami'an tsaro a Afirka ta Kudu sun bayyana cewa an kama kusan mutum 900 bayan zanga-zangar da aka gudanar a sassa daban-daban na ƙasar. A cewar hukumomi, an kama mafi yawan mutanen ne bisa zargin laifukan da suka haɗa da karya dokokin shige da fice da wasu laifuka, yayin da aka ce yawancin zanga-zangar ta gudana cikin lumana. Sai dai wasu daga cikin gangamin sun rikide zuwa tashin hankali, lamarin da ya sa aka ƙara matakan tsaro a wasu yankuna. Shugaban ƙasar, Cyril Ramaphosa , ya ce gwamnati na ci gaba da sa ido kan halin da ake ciki, tare da kira ga jama'a da su kiyaye doka da oda.

azubairu (legacy byline)

world

Iran Ta Ce Za Ta Mayar da Martani ga Duk Wata Barazana

Ministan Harkokin Wajen Iran , Abbas Araghchi , ya bayyana cewa ƙasarsa za ta mayar da martani cikin gaggawa idan aka fuskanci wata barazana ga al'ummarta ko shugabanninta. Kalaman nasa sun biyo bayan wasu bayanai daga gwamnatin Isra'ila kan yiwuwar ɗaukar matakin soja idan aka samu sabon hari. Araghchi ya kuma yi kira da a mutunta yarjejeniyoyin da aka cimma tsakanin ɓangarorin, yana mai cewa duk wani kaucewa abin da aka amince da shi na iya ƙara dagula rikicin. Har yanzu dai ana ci gaba da zaman ɗar-ɗar tsakanin Iran da Isra'ila, yayin da ƙasashen duniya ke kira ga ɓangarorin da su guji mata

azubairu (legacy byline)

world

Iran Ta Sanar da Rufe Tehran Domin Gudanar da Jana'izar Ayatollah Ali Khamenei

Gwamnatin Iran ta sanar da cewa za a rufe birnin Tehran na ɗan lokaci domin sauƙaƙa gudanar da jana'izar marigayi Ayatollah Ali Khamenei , tare da bai wa masu makoki damar halartar tarukan jana'izar cikin sauƙi. Hukumomin ƙasar sun kuma ayyana ranar zaman makoki ta ƙasa, yayin da aka tsara gudanar da bukukuwan jana'izar a biranen Tehran , Qom da Mashhad kafin a binne marigayin a Mashhad. Rahotanni sun nuna cewa za a kuma gudanar da tarukan tunawa da marigayin a wasu biranen ƙasar Iraq , yayin da ake sa ran dubban mutane za su halarci jana'izar. ( Al Jazeera )

azubairu (legacy byline)

world

Kotun Ƙolin Amurka Ta Yi Watsi da Ƙalubalantar Haƙƙin Zama Ɗan Ƙasa Ta Haihuwa

Kotun Ƙolin Amurka ta yanke hukuncin da ya tabbatar da ci gaba da aiwatar da haƙƙin zama ɗan ƙasar Amurka ta hanyar haihuwa, bayan ta yi watsi da wani ƙoƙarin sauya tsarin. Alƙalan kotun mafi rinjaye sun bayyana cewa wannan haƙƙi yana da tushe a kundin tsarin mulkin ƙasar, yayin da wasu alƙalan suka nuna rashin amincewa da hukuncin. Shugaban ƙasar, Donald Trump , ya bayyana rashin gamsuwarsa da hukuncin, amma ya ce Majalisar Dokoki na da ikon duba batun ta hanyar kafa doka. A gefe guda kuma, ƙungiyoyin kare haƙƙin bil'adama sun yi maraba da hukuncin kotun, suna mai cewa ya tabbatar da kariyar

azubairu (legacy byline)

world

Majalisar Dinkin Duniya Ta Yi Kira da a Ƙara Kai Agaji ga Venezuela Bayan Girgizar Ƙasa

Majalisar Dinkin Duniya ta bayyana cewa mutane da dama a Venezuela na buƙatar agajin gaggawa, musamman abinci da matsuguni, bayan girgizar ƙasa da ta afku a ƙasar. A cewar hukumar kula da 'yan gudun hijira ta Majalisar, lamarin ya haifar da tsaiko ga ayyukan yau da kullum a wasu yankuna, yayin da ake ci gaba da gudanar da ayyukan ceto da kai agaji. Rahotanni sun kuma nuna cewa an sake buɗe wata tashar jirgin ruwa domin sauƙaƙe isar da kayan agaji ga mutanen da abin ya shafa. Hukumomi sun ce adadin waɗanda suka rasu ya ƙaru, yayin da ake ci gaba da neman wasu da ba a gano ba, tare da ci gaba da

azubairu (legacy byline)

world

Rahotanni: Robert Lewandowski Na Dab Da Komawa Chicago Fire

Robert Lewandowski na dab da kammala komawa Chicago Fire FC bayan karewar kwantiraginsa da FC Barcelona. Rahotanni sun ce ana sa ran ɗan wasan mai shekara 37 zai sanya hannu kan kwantiragin shekara biyu da ƙungiyar ta gasar Major League Soccer (MLS), duk da cewa wasu ƙungiyoyi ma sun nuna sha'awar ɗaukarsa. Idan yarjejeniyar ta kammala, Lewandowski zai ƙara wa Chicago Fire ƙarfi yayin da ƙungiyar ke shirin ci gaba da fafatawa a kakar wasa ta bana.

azubairu (legacy byline)

world

Iran ta kai hari kan sansanin Ali al-Salem da ke Kuwait, da kuma hedikwatar rundunar ruwa ta Amurka da ke Bahrain

Kamfanin dillancin labaran Reuters ya rawaito cewa wani jami’in Amurka ya tabbatar da cewa Iran ta harba makamai masu linzami da kuma jiragen sama marasa matuƙa zuwa wasu ƙasashe makwabta, ciki har da Bahrain da Kuwait. Tuni rundunar IRGC ta Iran ta sanar cewa ta kai hari kan wuraren sojojin Amurka, inda ta ce ta nufi sansanin Ali al-Salem da ke Kuwait, da kuma hedikwatar rundunar ruwa ta Amurka da ke Bahrain. Rundunar ta ce ta kai waɗannan hare-hare ne da makamai masu linzami da jiragen yaƙi marasa matuƙa.

Adamu Abdullahi

world

An rantsar da Andy Burnham a Majalisar Dokokin Birtaniya

An rantsar da Andy Burnham a matsayin sabon ɗan Majalisar Dokokin Birtaniya mai wakiltar mazaɓar Makerfield bayan nasararsa a zaɓe. Ya samu kyakkyawar tarba da tafi daga 'yan jam'iyyar Labour yayin da ya shiga zauren majalisar domin yin rantsuwar kama aiki. Burnham ya yi rantsuwar ne tare da wasu sabbin 'yan majalisa biyu, Lara Bird ta jam'iyyar SNP da Douglas Lumsden na jam'iyyar Conservative. Yayin da yake shiga zauren majalisar, ya nuna godiya ga 'yan majalisar da suka tarbe shi ta hanyar murmushi da sunkuyar da kai.

azubairu (legacy byline)

world

Gwamnatin Nijar Ta Zargi Faransa da Ɗaukar Nauyin Harin Filin Jirgin Sama na Niamey

Gwamnatin mulkin sojan Nijar ta zargi Faransa da ɗaukar nauyin harin da aka kai a filin jirgin saman Yamai da safiyar Alhamis. A cikin wata sanarwa da Ma’aikatar Tsaro ta ƙasar ta fitar kuma aka karanta a gidan talabijin na RTN a birnin Niamey, gwamnatin ta yi zargin cewa “masu ɗauke da makamai da Macron ke biya” ne suka kai wani mummunan hari da ya kashe aƙalla sojoji 11 da fararen hula biyu. Duk da haka, gwamnatin ƙasar ba ta bayar da wata shaidar da za ta tabbatar da wannan zargin ba, kuma Faransa ba ta ce uffan kan batun ba har yanzu. A cewar sanarwar, maharan waɗanda ake zargi suna sanye

azubairu (legacy byline)

world

Za a Gurfanar da Kyaftin ɗin Morocco Achraf Hakimi Kan Zargin Fyade

Kyaftin ɗin tawagar ƙwallon ƙafa ta Morocco, Achraf Hakimi, zai gurfana a gaban kotu a Faransa bayan masu gabatar da ƙara sun amince da ci gaba da shari’ar da ake yi masa kan zargin fyade. Wata mata mai shekara 24 ta zargi ɗan wasan bayan na Paris Saint-Germain da yi mata fyade a gidansa da ke birnin Paris a shekarar 2023. Ofishin mai gabatar da ƙara a Nanterre, da ke yammacin Paris, ya fara gudanar da bincike kan lamarin tun a watan Maris na shekarar 2023. A watan Fabrairun 2026, wani alƙali mai bincike ya bayar da umarnin a ci gaba da shari’ar, yayin da rahotanni daga kafofin yaɗa labarai na

azubairu (legacy byline)

world

Netanyahu Ya Ce Isra’ila Za Ta Ci Gaba da Zama a Kudancin Lebanon

Firaministan Isra’ila, Benjamin Netanyahu, ya sake jaddada cewa gwamnatinsa ba ta da niyyar janye sojojin Isra’ila daga kudancin Lebanon da kuma yankunan da take kallon su a matsayin shingen kariyar tsaro. Netanyahu ya bayyana hakan ne yayin da wasu mambobin majalisarsa ke ci gaba da sukar yarjejeniyar da ake ƙoƙarin cimmawa tsakanin Amurka da Iran. Ya ce kamar yadda Isra’ila ta samu nasarar dawo da tsaro da zaman lafiya a yankunan da ke kan iyaka da Zirin Gaza, haka kuma tana da burin tabbatar da tsaro da kwanciyar hankali a birane da ƙauyukan arewacin ƙasar. “Kiyaye tsaron al’ummomin da ke a

azubairu (legacy byline)

world

Taliban Ta Haramta Wa Ma’aikatan Gwamnati Zuwa Aiki da Manyan Wayoyi

Gwamnatin Taliban a Afghanistan ta haramta wa ma’aikatan gwamnati da na hukumomin tsaro zuwa wuraren aiki da manyan wayoyi, a wani sabon mataki da ta ce an ɗauka domin ƙara mayar da hankali kan ayyukan gwamnati. Ma’aikatan gwamnati da dama sun shaida wa BBC cewa an umarce su da kada su kawo wayoyin hannu na zamani zuwa ofisoshi da wuraren aiki, yayin da wasu suka ce an gargade su da su rage amfani da wayoyin har ma a gidajensu. Wani jami’in gwamnatin Taliban ya bayyana cewa manufar matakin ita ce tabbatar da cewa ma’aikata suna mayar da hankali kan ayyukan da aka ɗora musu maimakon ɓata lokaci

azubairu (legacy byline)

world

An Ji Fashe-Fashe da Harbe-Harbe a Filin Jirgin Sama na Niamey

Niamey, Nijar – Rahotanni daga babban birnin Jamhuriyar Nijar sun bayyana cewa an ji ƙarar fashe-fashe da harbe-harbe a filin jirgin saman Niamey, lamarin da ya tayar da hankalin mazauna yankin da matafiya. Bayanan farko sun nuna cewa jami’an tsaro sun gaggauta mayar da martani tare da tura ƙarin jami’ai zuwa filin jirgin saman domin shawo kan lamarin da kuma tabbatar da tsaro a yankin. Sai dai zuwa wannan lokacin, hukumomi ba su fitar da cikakken bayani a hukumance kan musabbabin lamarin ba. Haka kuma, ba a tabbatar da ko akwai waɗanda suka rasa rayukansu ko suka jikkata sakamakon abin

Sultan Bello

world

Trump Ya Gargaɗi Isra’ila Kan Ci Gaba da Kai Hare-Hare a Lebanon

Shugaban Amurka, Donald Trump , ya yi kira ga Isra’ila da ta dakatar da hare-haren da take kai wa Lebanon, yana mai cewa lokaci ya yi da za a nuna haƙuri domin kauce wa ƙara rura wutar rikici a yankin. Trump ya bayyana hakan ne a shafinsa na Truth Social, sa’a guda bayan harin da Isra’ila ta kai yankin Dahiyeh da ke Beirut. Ya ce bai kamata harin ya faru ba, musamman a daidai lokacin da ake kusantar cimma yarjejeniyar zaman lafiya da Iran. Ya jaddada cewa wajibi ne bangarorin da ke rikicin su nuna takatsantsan, yana mai cewa kamar yadda bai kamata Isra’ila ta ci gaba da kai hare-hare a Lebanon

azubairu (legacy byline)

world

Malema ya zargi gwamnati da goyon bayan hare-haren ƙiyayya ga baƙi a Afirka ta Kudu

Ɗan siyasa kuma ɗan majalisar dokokin Afirka ta Kudu, Julius Malema , ya bayyana hare-haren ƙiyayya ga baƙi da aka kai kwanan nan a ƙasar a matsayin waɗanda "gwamnati ta ɗauki nauyinsu". Malema ya zargi ƴansanda da sauran hukumomin gwamnati da gaza ɗaukar matakan da suka dace domin dakatar da ayyukan tsoratarwa, cin zarafi da kuma hare-haren da ake kai wa baƙi a sassa daban-daban na ƙasar. Ya ce rashin ɗaukar mataki cikin gaggawa daga hukumomi ya ba wasu damar ci gaba da kai hare-hare ba tare da fargabar hukunci ba. Kalaman na Malema na zuwa ne a daidai lokacin da ake ci gaba da nuna damuwa ka

azubairu (legacy byline)

world

Iran ta sanar da cewa za a binne Ali Khamenei ranar 9 ga Yuli.

An sanar da cewa za a binne tsohon jagoran Iran, Ali Khamenei, a ranar 8 ga Yulin 2026, watanni uku bayan rasuwarsa sakamakon hare-haren da Amurka da Isra’ila suka kai masa. Sanarwar da ofishin wallafa ayyukansa ya fitar ta ce za a fara gudanar da jana’izarsa a ranar 4 ga Yuli a Tehran, kafin a binne shi a harabar Masallacin Imam Reza da ke Mashhad a ranar 8 ga Yuli. Haka kuma, za a gudanar da jana’izar wasu daga cikin ’yan uwansa da suka mutu tare da shi a hare-haren a biranen Tehran, Qom da Mashhad. Jami’ai sun bayyana cewa ana sa ran jana’izar za ta tara miliyoyin mutane, inda aka tsara gan

azubairu (legacy byline)

world

Trump na shirin tura wasu ‘yan ciranin Iran zuwa Jamhuriyar Afirka ta Tsakiya

Rahotanni sun nuna cewa gwamnatin Shugaban Amurka, Donald Trump, na shirin tura wasu ‘yan ciranin Iran tare da wasu baki daga ƙasashe daban-daban zuwa Central African Republic a ƙarƙashin wata sabuwar yarjejeniya ta korar baki zuwa ƙasa ta uku. A cewar rahotanni, mutanen da ake shirin korawa sun haɗa da ‘yan Iran, Syria, Afghanistan da kuma wani ɗan ƙasar Turkiyya. Wasu daga cikin ‘yan Iran ɗin sun nemi mafaka a Amurka, kuma lauyoyinsu sun ce suna fargabar fuskantar tsangwama ko azabtarwa idan aka mayar da su ƙasarsu. Rahotannin sun ce jirgin farko na iya ɗaukar kusan mutum 20 zuwa babban birn

azubairu (legacy byline)