Mataimakin shugaban Majalisar Tsaron Rasha kuma tsohon shugaban ƙasar, Dmitry Medvedev , ya isa birnin Tehran domin jagorantar tawagar ƙasarsa a jana'izar tsohon Jagoran Addinin Iran, Ayatollah Ali Khamenei .
A filin jirgin saman Imam Khomeini International Airport , Gwamnan Babban Bankin Iran, Nasser Hemmati , ne ya tarbe shi tare da sauran jami'an gwamnatin ƙasar.
Ziyarar Medvedev na nuna irin kusancin dangantakar da ke tsakanin Rasha da Iran, musamman a wannan lokaci da Iran ke gudanar da zaman makoki da shirye-shiryen jana'izar marigayi Khamenei.
Ana sa ran shugabanni da manyan jami'ai daga ƙasashe daban-daban za su halarci jana'izar, wadda ake gudanarwa a birnin Tehran kafin a kai gawarsa zuwa Mashhad domin binne shi.