Gwamna Abba Ya Amince da Ƙarin Albashin Malaman Jami’o’in Kano

Gwamnan Kano, Abba Kabir Yusuf , ya amince da ƙarin albashi ga malamai da sauran ma’aikatan jami’o’in jihar. Ƙarin albashin zai shafi Jami’ar Kimiyya da Fasaha ta Aliko Dangote da ke Wudil da kuma Jami’ar Northwest . Gwamnan ya amince da matakin ne bayan wani kwamiti da Majalisar Zartarwar Jihar Kano ta kafa ya duba buƙatar jami’o’in biyu na shigar da sabon tsarin albashin cikin tsarin jihar. A cewar sanarwar da mai magana da yawun gwamnan, Sunusi Bature Dawakin Tofa , ya fitar ranar Litinin, sabon tsarin albashin ya fara aiki tun daga Janairun 2026 , yayin da za a fara biyan ƙarin kuɗin daga

azubairu (legacy byline) · 11 Agu, 2026, 11:10

Gwamnan Kano, Abba Kabir Yusuf , ya amince da ƙarin albashi ga malamai da sauran ma’aikatan jami’o’in jihar.

Ƙarin albashin zai shafi Jami’ar Kimiyya da Fasaha ta Aliko Dangote da ke Wudil da kuma Jami’ar Northwest .

Gwamnan ya amince da matakin ne bayan wani kwamiti da Majalisar Zartarwar Jihar Kano ta kafa ya duba buƙatar jami’o’in biyu na shigar da sabon tsarin albashin cikin tsarin jihar.

A cewar sanarwar da mai magana da yawun gwamnan, Sunusi Bature Dawakin Tofa , ya fitar ranar Litinin, sabon tsarin albashin ya fara aiki tun daga Janairun 2026 , yayin da za a fara biyan ƙarin kuɗin daga Satumban 2026 .

Sanarwar ta ce ƙarin albashin jami’o’in biyu zai ci wa gwamnatin jihar kusan naira miliyan 391.8 duk wata , wanda ya haura naira biliyan 4.7 a shekara .

Gwamnatin jihar ta ce matakin ya biyo bayan sabon tsarin albashin da gwamnatin tarayya ta fara amfani da shi a jami’o’in gwamnatin tarayya, da nufin inganta jin daɗin ma’aikatan jami’o’i da ƙarfafa harkokin ilimi.