Trabzonspor Ta Kusa Tabbatar da Ɗaukar Mohamed Salah

Ƙungiyar ƙwallon ƙafa ta Trabzonspor ta Turkiyya na dab da kammala ɗaukar fitaccen ɗan wasan Masar, Mohamed Salah , bayan tarbar da magoya bayanta suka yi masa lokacin da ya isa ƙasar. Ɗaruruwan magoya bayan Trabzonspor sun taru a wajen Filin Jirgin Sama na Atatürk da ke Istanbul a ranar Laraba domin tarbar Salah, wanda ya fito sanye da kayan da ke ɗauke da launukan ƙungiyar. Salah, mai shekaru 34, ya bar Liverpool a ƙarshen kakar wasan da ta gabata bayan shafe shekaru tara a Anfield, inda ya zura ƙwallaye 257 tare da taka muhimmiyar rawa wajen nasarorin da ƙungiyar ta samu. Har yanzu ba a bay

azubairu (legacy byline) · 5 Agu, 2026, 15:40

Ƙungiyar ƙwallon ƙafa ta Trabzonspor ta Turkiyya na dab da kammala ɗaukar fitaccen ɗan wasan Masar, Mohamed Salah , bayan tarbar da magoya bayanta suka yi masa lokacin da ya isa ƙasar.

Ɗaruruwan magoya bayan Trabzonspor sun taru a wajen Filin Jirgin Sama na Atatürk da ke Istanbul a ranar Laraba domin tarbar Salah, wanda ya fito sanye da kayan da ke ɗauke da launukan ƙungiyar.

Salah, mai shekaru 34, ya bar Liverpool a ƙarshen kakar wasan da ta gabata bayan shafe shekaru tara a Anfield, inda ya zura ƙwallaye 257 tare da taka muhimmiyar rawa wajen nasarorin da ƙungiyar ta samu.

Har yanzu ba a bayyana cikakken albashin da Salah zai riƙa karɓa a Trabzonspor ba. Sai dai kasancewarsa ya koma ƙungiyar a matsayin ɗan wasa mai zaman kansa, ana sa ran Trabzonspor za ta mayar da hankali wajen samar masa da albashi mai tsoka.

Fitaccen ɗan wasan, wanda ya zura ƙwallaye 50 a gasar UEFA Champions League, zai samu damar ci gaba da taka leda a gasar zakarun Turai tare da Trabzonspor a kakar wasa mai zuwa, bayan ƙungiyar ta kammala kakar da ta gabata a matsayi na uku a gasar Super Lig ta Turkiyya, da tazarar maki takwas tsakaninta da zakarun gasar, Galatasaray.