sport1

Sabon koci, Hansi Flick ya ɗora Barcelona kan turbar cin ƙwallaye da yawa a bana, wadda kawo yanzu ta zura 22 a wasa shida a La Liga da fara kakar nan.

Babu wata ƙungiya a manyan gasar Turai a kakar nan da ta kai ƙwazon Barcelona a cin ƙwallaye da yawa a bana.

Haka kuma ƴan wasan Barcelona biyu wato Robert Lewandowski da Rahinha ne kan gaba a yawan zura ƙwallaye a babbar gasar tamaula ta Sifaniya.

Lewandowski mai shida jimilla ya ci Villareal biyu a ranar Lahadi da Barcelona ta yi nasara 5-1 a wasan mako na shida a La Liga.